يا ستي

يا ستي....
......

بفي الجوري والصفصاف
وعنقود العنب الغافي
ستي بتقلي لا تخاف
رزقك بالدنيا كافي
عمرو مايموت الجوعان
ولا واحد ماشي حافي
بيموت لحالو الغفلان
والقلبو مانو صافي

الدنيا محبة بسمة خير
ودعوه يعطيك العافية
خليك شهم وهمام
وللشده غيرك ما في
متل السبع بكل زمان
والكلمة بعطرا الدافي
خليك نبض الانسان
بالفتنة الخشب الطافي
خليك محضر إيمان
قلبك بمحبة دافي
جدايل أنت خيوط النور
والدنيا عليك تلافي

حتى الديب ضبع وصل
كلن عاقربك لافي
محبة هالدنيا ومرسال
هالسوء وأهلو جافِ
والصدق وعقل وإيمان
وروحك من ثوبا لطافة
ياستي ابقى دفيان
وأدبك بالدنيا شافي
وكلماتك وزن وميزان
ياستي ... يابو قلافة
ومن يوما بعدي رضيان
وأحلا من الدنيا مافي
والليقرا سطوري بإمعان
بيعرف هالعسل الصافي
واللي ما يعرب كلمات
رح يسأل معنى قلافة
وبختم لحبابي بكلمات
من روحي إلكن عافيه
......
الشاعر ضاحي معلا(ضاحي الغريب)

الشعر