لأصحاب السيارات 

ملي تمشي للگاراج تصلح سيارتك ديما كاين واحد الولد صغير يتعلم تما 

الطفل هذاك كيخدم مسكين  10 سوايع  تقريبا و ممكن أكثر و تقريبا يخدم اي  حاجة  يحل و يسد و ينضف و يسيق و يمسح و يتسب ويتجرح  و لكبيرة و الصغيرة في راسو 

حفظكم الله جميعا اعطيه كلمة زوينة و أضحك معاه و سولو على إسمو وأعطيه شوي حافز وأمل  و حسبو واحد من أخوتك و دخل عليه شوية الفرحة 

و ما تنساش بعد ما تخدم سيارتك و تخلص لمعلم دور معاه راه طفل صغير خليه يحس راه حتى هو معلم باش ما يملش الخدمة صدقوني غادي يفرح بيها بزاف ونهار كامل يضل فرحان و انت تفرح اكثر منو  لأنك غا دخل الفرحة عليه و عندك أجر عند الله لانك شجعتيه يخدم أحسن ما يضل يدور في الزناقي و يهز البلية و بالتالي نكونوا حنا سبب في اعمالو الإجرامية